Renovation of our Azolla Pond

Nagpabuhat mi og bag-o nga azolla pond kay ang katong una nga azolla pond namo dili man safety sa mga baki. Dali ra kaayo to masudlan og baki tungod sa ka mubo hangtod nga nag sigi nag pangitlog ang mga baki didto ug naka produced og mga tadpoles.
Ang tadpoles usa sa maka infect sa mga azolla fern ky ila man pang kaonon ang mga gamot niini hangtod nga mamatay o dili na makatarong o makadali sa pagsanay.
Pero before namo giyabo ang mga sulod na tubig ug tae sa baka, amo usang gibutangan og zonrox aron mangamatay ang tanan tadpoles. After pila ka adlaw amo nang gipaawas ang tubig ug gibulad osa sa init sa adlaw aron sure gyud nga patay na ang mga tadpoles.

Ug karon gisugdan na pagtrabaho sa akong bayaw ug pag- umangkon ang pagtarong niini. Nanguha sila og kahoy para poste nga himuog frame para sa pagkoral sa pond ug kini usab maoy gi gairan sa pond para mas malig-on ug mas gipataasan ang gitas-on sa koral aron dili makasayon-sayon og ambak ang baki sulod sa azolla pond.

Nag sugod na pag limpyo sa kawayan ang akong umangkon para himuon og mga lipak aron maoy e atang o e bongbong sa pond.

Samtang ang akong bayaw nagtarong sa pond ug nagsiguro sa mga poste nga lig-on na kini. Pag abot sa oras nga tingpaniudto, nangaon na dayon kami.

Kay naa may emergency nga meeting nga kinahanglan tambungan sa akong bayaw maong ang ako ra usa pag umangkon ang nag hinay-hinay pagtiwas sa trabahuon. Nagtiwas siya paghimo og mga lipak ug pagkahuman niini, iya na kining gipangtaud ug gihimo nga koral.

Pagka ugma, ila nang natiwas tanan ang paghimo sa lig-on ug safety nga azolla pond.

Ug mao na kini ang among bag-o nga azolla pond. Gi cover na lamang ang shader sa pond aron dili sad masudlan og dali- dali ang pond og bisag unsa. kuwang nalang ang pagbutang sa tubig ug mga tae sa baka.
Ug mao ra kadto. Daghang salamat kanatong tanan!